दार्चुलामा करेन्ट लागेर एक जनाको मृत्यु, एक जना घाइते

दार्चुला – दार्चुलामा करेन्ट लागेर एक जनाको मृत्यु भएको छ भने एक जना घाइते भएका छन् । दार्चुलाको मार्मा गाउँपालिकामा पर्ने नलबगड भन्ने ठाउँमा सडकमा काम गरिरहेको टिप्परले नांगो बिजुलीको तारमा छुदाँ टिप्पर चालकको मृत्यु भएको हो ।

करेन्ट लागेर गम्भीर घाइते भएका कैलालीको लम्किचुहा नगरपालिकाको चिसापानी बस्ने २३ वर्षीय लिला थापाको उपचारका लागि अस्पताल लैजाने बेला बाटोमै ज्यान गएको हो । यसैगरी सहचालक मार्मा कै स्थानीय १९ वर्षीय प्रकाश सिहं ठगुन्ना सामान्य घाइते रहेको जिल्ला प्रहरी कार्यालय दार्चुलाले जनाएको छ ।