काठमाडौँ : नेपाल प्रिमियर लिग (एनपीएल) मा जनकपुर बोल्ट्सले पोखरा एभेन्जर्सलाई ७ विकेटले पराजित गरेको छ। कीर्तिपुरस्थित त्रिवि अन्तर्राष्ट्रिय क्रिकेट मैदानमा बिहीबार भएको खेलमा जनकपुरले १३९ रनको लक्ष्य १७.१ ओभरमा ३ विकेट गुमाएर पूरा गर्यो
जनकपुरका लागि लाहिरु मिलन्थाले ४५ रन बनाए, उनले ३२ बलमा ८ चौका प्रहार गरे। जेम्स निशमले ४० रन अविजित बनाउँदै टीमलाई जित दिलाए, जबकि आसिफ शेखले ३३ रनको योगदान दिए। पोखराका लागि विपिन खत्री, माइकल लिस्क र कुशल भुर्तेलले १–१ विकेट लिए।
यसअघि पहिले ब्याटिङ गरेको पोखरा एभेन्जर्सले १३८ रन बनाएको थियो। पोखराका मार्कस क्रिचलेले ३५ र एन्ड्रिज गौसले २० रन बनाएका थिए। माइकल लिस्क २५ रनमा अविजित रहे।
जनकपुर बोल्ट्सका लागि ललित राजवंशीले ३ विकेट लिए, जेम्स निशामले २ विकेट लिएका थिए भने मोहम्मद मोहसिनले १ विकेट लिए। यस जितसँगै जनकपुरको यो लगातार तेस्रो जित हो, यो जीतले उनीहरूको मनोबल उच्च राख्न मद्दत पुर्याएको छ।
प्रतिक्रिया दिनुहोस्