पहिलो खेल विराटनगर किंग्स र सुदूरपश्चिम रोयल्सबीच प्रतिस्पर्धा हुँदै

धनगढी : नेपाल प्रिमियर लिग एनपीएलको तेस्रो दिन पहिलो खेलमा विराटनगर किंग्स र सुदूरपश्चिम रोयल्सबीच प्रतिस्पर्धा हुँदैछ ।

खेल टीयू अन्तर्राष्ट्रिय क्रिकेट मैदान, कीर्तिपुरमा बिहान ९ बजे सुरु हुनेछ । दोस्रो खेल खेल्न लागेको विराटनगर उद्घटान खेलमै जनकपुर बोल्ट्ससँग ८ विकेटले पराजित भएको थियो । उता सुदूरपश्चिम रोएल्स लिगमा आफ्नो पहिलो खेल खेल्दैछ ।

विराटनगर सन्दीप लामिछानेको कप्तानीमा खेल्दैछ भने दीपेन्द्र सिंह ऐरीको कप्तानीमा सुदूरपश्चिम मैदानमा उत्रनेछ । पहिलो खेलमा पराजित भएको विराटनगर  जितको खोजीमा छ भने सुदूरपश्चिम पनि सुखद सुरुवात गर्न चाहन्छ ।