काठमाडौँ : चर्चित गायिका समीक्षा अधिकारी र श्रीराम पौडेलको स्वरमा रहेको गीत ‘ठेकी मदानी’ सार्वजनिक भएको छ ।
शुक्रबार बेलुका ‘ठेकी मदानी’ गीत युट्युबमार्फत सार्वजनिक गरिएको हो । गीतको म्युजिक भिडियोमा गायक पौडेल र मोडल आयुष्मा कार्की प्रमुख भूमिका छन् ।
दीपक संगम बिसीको संगीत संयोजनमा रेकर्ड भएको गीतको शब्द तथा संगीत सुमन शर्मा मनगैंयाको हो । ठेकी मदानी’ को भिडिओ निर्देशन देवेन्द्र कुँवरले गरेका हुन् । अजय रेग्मीको छायांकन रहेको भिडियोलाई मिलन विश्वकर्माले सम्पादन गरेका छन् ।
गीत सार्वजनिक गर्दै गायक तथा मोडल पौडेलले आजको गतिशीलताले भोलिको भविष्य निर्माण गर्ने बताएका छन् । अर्को फरक क्षेत्रमा काम गरिरहँदा सांगीतिक क्षेत्रमा पनि केही गरौँ भन्ने सोचले नै गीत ल्याए पौडेलले बताएका छन् । पौडेल लामो समयदेखि शैक्षिक परामर्शको क्षेत्रमा काम गर्दै आएका व्यक्ति हुन् ।
गायनका हिसाबले श्रीरामको यो पहिलो गीत हो । उनले यसअघि केही म्युजिक भिडियोमा अभिनय भने गरेका थिए । पौडेलले पञ्चेबाजा र कौरा गीत रेकर्ड भइसकेको र छिट्टै सार्वजनिक हुने बताएका छन् ।
प्रतिक्रिया दिनुहोस्