काठमाडौँ : चलचित्र ‘मायावी’ फागुन १४ मा रिलिज हुने भएको छ । अभिनेता पल शाह र अभिनेत्री दीपिका प्रसाईं अभिनित फिल्म ‘मायावी’को निर्माण युनिटले एक पोस्टरमार्फत् आगामी फागुन १४ गते महाशिवरात्रिमा प्रदर्शन गर्न लागेको जानकारी दिएका हुन् ।
फिल्मका निर्देशक दीवाकर भट्टराई हुन् । ‘मायावी’ को सार्वजनिक पोस्टरमा पल र दीपिका प्रस्तुत छन् । जसमा उनीहरु रोमान्टिक भावमा चित्रित छन् । पोस्टरले फिल्मको कथा प्रेम र वियोगमा केन्द्रित रहेको संकेत गर्छ ।
‘मायावी’मा पल र दीपिकासँगै सुशील सिटौला, समिम खान, करिश्मा श्रेष्ठ, प्रशान्त ताम्राकार, लक्ष्मी गिरी, रवि डंगोल, राजाराम पौडेल, अंशु महर्जन, रमा प्रसाईंलगायतको अभिनय छ ।
प्रतिक्रिया दिनुहोस्