सुनको मूल्यमा ऐतिहासिक रेकर्ड, तोलामा १५ हजार ९०० रुपैयाँ घट्दै !

काठमाडौँ : सुनको मूल्यमा ऐतिहासिक गिरावट आएको छ ।  आज सुनको मूल्य तोलामा १५ हजार ९०० रुपैयाँ घट्दै ऐतिहासिक रेकर्ड राखेको हो । 

नेपाल सुनचाँदी व्यवसायी महासंघका अनुसार  सोमबार छापावाल सुनको मूल्य तोलामा १ लाख ५१ हजार ३०० रुपैयाँ कायम भएको छ ।  आइतबार छापावाल सुनको मूल्य १ लाख १ लाख ६७ हजार २०० रुपैयाँ कायम भएको थियो ।

यस अघि कात्तिक १५ गते एक लाख ७१ हजार रुपैयाँ सम्म पुगेको सुनको भाउ कात्तिक अन्तिममा लगातर घटेर एक लाख ६० हजार रुपैयाँसम्म झरेको थियो ।

यस्तै आज चाँदीको भाउ पनि तोलामा एक सय १५ रुपैयाँले घटेर एक हजार आठ सय ४५ रुपैयाँमा पुगेको छ । मङ्सिर लागेपछि निरन्तर बढेको सुनचाँदीको भाउ सरकारले आयातमा लाग्ने भन्सार महसुल घटाएसँगै आज एकै दिन ठुलो अङ्कले घटेको हो ।

सरकारले सुनको भन्सार दर २० प्रतिशतबाट १० प्रतिशतमा झारेको छ । भने चाँदीको पनि भन्सार महसुल दर १५ प्रतिशतबाट १० प्रतिशतमा झारेको छ । भारतमा सुनको भन्सार महसुल थोरै रहेका कारण नेपालमा चोरी तस्करी बढ्ने आशङ्काबीच भन्सार महसुल घटाइएको हो ।