काठमाडौँ : फिल्म ‘फेरि रेसम फिलिलि’ को छायाङ्कन सुरु भएको छ । सोमबारबाट फिल्मको छायाङ्कन सुरु गरेको निर्माता रौनकविक्रम कँडेलले जानकारी दिए ।
लेखन तथा निर्देशन निरोज महर्जनको रहने फिल्ममा विनय श्रेष्ठ, कामेश्वर चौरसिया, सुपुष्पा भट्ट, नीर शाह, रवीन्द्र झा, प्रकाश घिमिरे, लक्ष्मी गिरी, महेश त्रिपाठी, एलनराज उप्रेतीलगायत कालाकारको अभिनय रहनेछ ।
रौनक विक्रम कँडेल निर्माता रहेको फिल्मको कार्यकारी निर्माता सुरज बम ठकुरी हुन् । सिनेमा आर्टसको प्रस्तुति रहने फिल्म दि मोसन पिक्चर्सको सहकार्यमा बन्न लागेको हो । सुजन प्रजापतिको छायाङ्कन, सुरेन्द्र पौडेलको सम्पादन रहने फिल्ममा पटकथा निरोज महर्जन र आकाश बरालको छ ।
कालीप्रसाद बास्कोटा, एसीडी योगी, हर्क साउद, कल्याण सिंह, जयन वाइबा र दीपक शर्माको सङ्गीत फिल्ममा रहने छ ।
प्रतिक्रिया दिनुहोस्