पेट्रोलको मूल्य १ रुपैयाँले सस्तियो

कैलाली । पेट्रोलको मूल्य १ रुपैयाँले घटेको छ । नेपाल आयल निगमले बुधबार मध्यरातदेखि लागू हुनेगरि पेट्रोलको मूल्य १ रुपैयाँले घटाएको हो ।

पेट्रोलसँगै निगमले डिजेल र मट्टितेलको मूल्य पनि घटाएको छ । निगमले सार्वजनिक गरेको नयाँ मूल्यसूचीअनुसार पेट्रोल र मट्टितेलको मूल्य प्रतिलिटर २ रुपैयाँले घटेको छ ।

त्यस्तै निगमले हवाई इन्धन र एलपी ग्यासको मूल्य भने यथावत् राखेको छ ।

योसँगै अब काठमाडौं, पोखरा र दिपालय क्षेत्रमा पेट्रोल लिटरको १७० रुपैयाँ पर्नेछ भने झापा, विराटनगर जनकपुर, नेपालजञ्ज, धनगढी र वीरगञ्ज क्षेत्रमा १६७ रुपैयाँ ५० पैसा र सुर्खेत र दाङ क्षेत्रमा १६९ रुपैयाँ पर्नेछ । त्यस्तै डिजेल र मट्टितेलको मूल्य प्रतिलिटर पहिलो वर्गमा १५५ रुपैयाँ ५० पैसा, दोस्रो वर्गमा १५७ रुपैयाँ र तेस्रो वर्गमा १५८ रुपैयाँ पर्नेछ ।