घुससहित पक्राउ परे शैल्यशिखरका २ ‘घुस्याहा कर्मचारी’

धनगढी । घुससहित दार्चुलाका २ जना कृषि प्राविधिक पक्राउ परेका छन् । जिल्लाको शैल्यशिखर नगरपालिकाका २ जना कृषि प्राविधिक पक्राउ परेका हुन् ।

पक्राउ पर्नेमा कृषि शाखा प्रमुख मोहनसिंह धामी र कृषि प्राविधिक सहायक अशोकसिंह धामी रहेका छन् ।

उनीहरुलाई अख्तियार दुरुपयोग अनुसन्धान आयोग कञ्चनपुरको टोलीले धनगढी ४ बोराडाँडीबाट पक्राउ गरेको हो । दुवैजनालाई घुसबापत लिएको ४ लाख १२ हजार रकमसहित पक्राउ गरिएको अख्तियार स्रोतले बताएको छ ।

स्रोतका अनुसार उनीहरुले कृषक समूहको बिल भुक्तानीका क्रममा घुस मागेका थिए ।