हेर्नुहोस् यस्तो छ आजको राशिफल

कैलाली : आज २०८० फागुन १२ गते शनिबारको राशिफल यस्तो रहने छ । 

मेष : लामो समयदेखि रोकिएका अधुरा काम पूरा हुनेछन्। चङ्ख्याइँले सङ्कल्पसिद्ध हुनेछ। प्रेम र मित्रताको बन्धन कसिनुका साथै दाम्पत्य सुखमा रमाउने समय छ।

वृष : लाभ-हानि, सुख-दुःख मध्यम नै रहनेछ। नयाँ योजना कार्यान्वयनमा ल्याउन मुस्किल पर्ला। चलाखीपूर्ण बोलीले सङ्कल्पसिद्ध हुनेछ भने व्यर्थको हैरानी पनि खेप्नु पर्नेछ। ठूलो महत्त्वाकाङ्क्षा लिएर काम नगर्नु होला। साँझमा कतैबाट शुभ समाचार सुन्न पाइनेछ।

मिथुन : परिश्रम गर्दा बढी धनार्जन हुनेछ। व्यावसायिक काममा राम्रै फड्को मार्न सकिनेछ। लामो यात्रा सुखद र सफल हुनेछ। आदर्श व्यक्तिको सहकार्यले नयाँ अनुभव मिल्नेछ। दाम्पत्य सुखमा रमाउने समय छ। वैदेशिक कार्य पनि अघि बढ्नेछ।

कर्कट : नसोचेको ठाउँबाट धनागम हुनेछ। रोकिएको वैदेशिक कार्य अघि बढ्नेछ। धार्मिक तथा सांस्कृतिक गतिविधिमा संलग्न हुनु पर्नेछ। एउटै कामबाट दोहोरो लाभ मिल्नेछ तर स्वास्थ्य तथा सुन्दरतामा धन खर्च हुनेछ।

सिंह : ठीक समयमा सही निर्णय लिन सकिनेछ। नयाँ व्यक्तिबीच समीपता बढ्नेछ। शुभकार्यको चर्चा चल्नेछ। स्वादिष्ट भोजन पाइनेछ। मनोरञ्जनमा सहभागी भइएला। वैदेशिक क्षेत्रबाट पनि सफलता मिल्नेछ।

कन्या : दुष्ट व्यक्तिको सङ्गतले आत्मघाती काम गर्न पुगिएला, सचेत रहनुहोला। पढाइलेखाइमा पनि प्रगति गर्न नसकिने देखिन्छ। मानसिक चिन्ता र चञ्चलता बढेको महसुस हुनेछ। नयाँ योजना कार्यान्वयनमा ल्याउन मुस्किल पर्ला। चोटपटकको भय छ।

तुला : शुभ समाचार सुन्न पाइएला। आफ्नो क्षेत्रमा प्रभुत्व जमाउन सकिनेछ। विनाप्रतिस्पर्धा फाइदा हुने योग छ। कला र गलाको प्रभाव बढ्नेछ। वैदेशिक क्षेत्रको काम अघि बढ्नेछ। धर्म, कर्म तथा समाजसेवामा मन लाग्नेछ।

वृश्चिक : रमाइलो यात्राको सम्भावना छ र त्यसबाट दीर्घकालीन फाइदा पुग्नेछ। धर्मकर्म तथा समाजसेवामा मन लाग्नेछ। शुभकार्यको चर्चा चल्नेछ। नयाँ व्यक्तिसँग भेटघाट होला। एकपछि अर्को अवसर आउनाले मन प्रसन्न रहनेछ।

धनु : कुनै कुराले मनमा शान्ति छाउनेछ। विपरीत वर्गप्रति आकर्षण बढ्नेछ। वैदेशिक क्षेत्रको अधुरो काम अघि बढ्नेछ। स्वादिष्ट भोजन पाइनेछ। प्रेम प्रसङ्गमा सफलता मिल्नेछ। भौतिक सम्पत्ति खरिद तथा बिक्रीको योग छ।

मकर : घरपरिवारमा झै-झमेलाको अवस्था आउला। सरकारी निकायको भय रहला। महत्त्वपूर्ण कार्यमा व्यवधान आइपर्ला। साँझपख सद्‌विचारले अभिप्रेरित हुनेहरूलाई बिस्तारै लाभ हुनेछ। वैदेशिक कार्यहरू सहजै सम्पादन हुनेछन्।

कुम्भ : समग्रमा सकारात्मक दिन रहेको छ। अधुरा कार्य पूरा हुने र रमाइलो यात्राको योग रहेको छ। रोकिएका काम पुनः सुरु हुन सक्छन्। परिवारसँग रमाइलो भेटघाट हुनेछ। इच्छा र आकाङ्क्षा पूर्ण हुनेछ।

मीन : रमाइलो यात्राको योग रहेको छ। आत्मविश्वास र पराक्रममा वृद्धि हुनेछ। राजनीतिक र सामाजिक कार्यमा सफलता मिल्नेछ। प्रेमसम्बन्ध र प्रणयप्रसङ्गका लागि पनि समय श्रेष्ठ छ।

राशिफल जे जस्तो भएपनि तपाईंको दिन मङ्गलमय रहोस् ,कर्ममा विश्वास गर्नुहोस् भाग्य आफैं बदलिनेछ ।