आइसीसी विश्वकप क्रिकेटअन्तर्गत गएराति भएको खेलमा इंग्ल्यान्डले नेदरल्यान्ड्सलाई हराएको छ । जितको लागि ३४० रनको विशाल विजयी लक्ष्य पछ्याएको नेदरल्यान्ड्स ३७।२ ओभरमा १७९ रनमा अल आउट भयो ।
सेमिफाइनल होडबाट बाहिरिसकेको डिफेन्डिङ च्याम्पियन इंग्ल्याण्डको जारी विश्वकपमा यो दोस्रो जीत हो । जितसँगै तालिकामा ४ अंक बनाएको इंग्ल्याण्ड सातौं स्थानमा उक्लिएको छ ।
नेदरल्यान्ड्सविरुद्ध १६० रनको फराकिलो जीत हात पारेको इंग्ल्यान्डले २०२५ को च्याम्पियन्स ट्रफी खेल्ने सम्भावना बढाएको छ ।
अब अन्तिम खेलमा पनि इंग्ल्याण्डले जीत निकाल्न सके अर्को वर्ष पाकिस्तानमा हुने च्याम्पियन्स ट्रफिमा स्थान पक्का गर्ने छन् ।
हारसँगै नेदरल्यान्ड्सको विश्वकपमा सेमिफाइनल खेल्ने सम्भावना समाप्त भएको छ ।
प्रतिक्रिया दिनुहोस्