काठमाडौं । फिल्म छायांकन नसकिंदै ‘पशुपतिप्रसाद’को दोस्रो श्रृंखला ‘भष्मेडन’ ठूला अन्तर्राष्ट्रिय बजारमा बिक्री भएको छ । दशैंको छेको पारेर यो फिल्म आगामी कात्तिक ३ गते नेपालसहित अन्तर्राष्ट्रिय बजारमा रिलिज हुँदैछ । निर्देशक दीपेन्द्र के खनालले स्वदेशसहित अधिकांश विदेशी बजारमा सोही दिनमा प्रदर्शन गरिने बताए ।
उनका अनुसार फिल्मको विदेश राइट्स बिक्रीबापत दुई करोड रुपैयाँभन्दा बढी नेट कलेक्सन भएको छ । अमेरिका, अष्ट्रेलिया, जापान, दक्षिण कोरिया, मध्यपूर्व, मलेसिया र युरोपेली मुलुकमा फिल्म प्रदर्शन निश्चित भएको हो । ‘नेपालसहित सोही दिनमा यी सबै क्षेत्रमा रिलिज हुनेछ,’ खनालले भने ।
२०७३ सालमा रिलिज भएको हिट फिल्म ‘पशुपतिप्रसाद’को स्पिनअफको रुपमा यो फिल्मको निर्माण सुरु भएको हो । बिहीबार फिल्मको छायांकनले ५० दिन पूरा गरेको छ । अहिले पशुपति क्षेत्रमा भइरहेको फिल्मको छायांकन अबको डेढ सातामा सकिने खनालले बताए । छायांकनमा ढिलाइ भएसँगै फिल्मको बजेटमा पनि वृद्धि हुने देखिएको छ ।
‘
प्रतिक्रिया दिनुहोस्