दार्चुलाको लेकम गाउँपालिकाको प्रमुख प्रशासकीय अधिकृतको जिम्मेवारी शेखरचन्द्र ओझालाई

काठमाडाैँ – दार्चुलाको लेकम गाउँपालिकाको प्रमुख प्रशासकीय अधिकृतको जिम्मेवारी प्रशासकीय अधिकृत शेखरचन्द्र ओझालाई दिइएको छ । लेकम गाउँपालिका कार्यपालिका बैठकले ओझालाई जिम्मेवारी दिएको हो । बिहिबार बसेको कार्यपालिकाको बैठकले ओझालाई जिम्मेवारी दिएको एक कर्मचारीले बताएका छन् । यसअघि निमित्त प्रमुख प्रशासकीय अधिकृतको जिम्मेवारी नारायण दत्त भट्टलाई दिईएको थियो ।

कार्यपालिकाको निर्णयको जानकारी संघीय मामिला तथा सामान्य प्रशासन मन्त्रालयलाई भइसकेकोले सम्भवतः भोली नै मन्त्रालयबाट अख्तियारी प्राप्तहुनेछ ।

लेकम गाउँपालिका वडा नं. ४ स्थायी घर भएका ओझा दार्चुलाको व्याँस गाउँपालिकामा करिब १ बर्ष ४ महिना प्रमुख प्रशासकीय अधिकृतको जिम्मेवारी सम्हालेका थिए । यस्तै दार्चुलाको शैल्यशिखर नगरपालिकामा प्रशासकीय अधिकृतको रुपमा एक बर्ष ३ महिना जिम्मेवारी बहन गरि लेकम गाउँपालिकामा ५ महिना अघि प्रशासकीय अधिकृतको रुपमा हाजिर भएका थिए ।