दाइको ससुराली गएका २१ वर्षीय युवकको ह*त्या, दाजुमाथि पनि खु*कु*री प्र*हार

इलाम : इलाममा गएराति एक युवकको हत्या भएको छ। सूर्योदय नगरपालिका–१ मा गएराति इलामकै माइजोगमाई गाउँपालिका–२ जोगमाइका २१ वर्षीय प्रकाश चापागाईंको हत्या भएको हो। 

जिल्ला प्रहरी कार्यालय इलामका अनुसार ३२ वर्षीय दाजु निरोज चापागाईंसँगै ससुराली घर गएका प्रकाशको सूर्योदय– १, शिरिसेमा हत्या भएको हो। 

उनलाई ३३ वर्षीय किरण शेर्पाले धारिलो हतियार प्रहार गरेका प्रहरीले जनाएको छ।

स्थानीय काजी तामाङको घरमा भएको झगडाका क्रममा चापागाईँमाथि धारिलो हतियार हुँदाउनको घटनास्थलमै मृत्यु भएको हो। घटनामा मृतक प्रकाशका दाजु निरोज पनि गम्भीर घाइते भएका छन्। 

पेटमा धारिलो हतियार प्रहार हुँदा गभ्मीर घाइते भएका निरोजलाई उपचारका लागि फिक्कल पठाइएको प्रहरीले जनाएको छ। 

घटना पछि प्रहरीले आरोपी शेर्पालाई पक्राउ गरेको छ। घटनाबारे थप अनुसन्धान जारी रहेको प्रहरीले जनाएको छ।