पेट्रोलको भाउ २ रुपैयाँले बढ्यो

धनगढी । पेट्रोलको भाउ २ रुपैयाँले बढेको छ । योसँगै पेट्रोलको मूल्य काठमाडौँ, पोखरा र दिपायलमा १ सय ५९ रुपैयाँ पर्नेछ । सुर्खेत र दाङमा भने पेट्रोलको मूल्य १ सय ५८ रुपैयाँ पर्ने भएको छ ।

चारआली, विराटनगर, अमलेखगञ्ज, जनकपुर, भलवारी, नेपालगञ्ज, धनगढी, वीरगञ्जमा भने पेट्रोलको मूल्य १ सय ५६ रुपैयाँ ५० पैसा पर्नेछ ।

त्यस्तै डिजेल र मट्टितेलको मूल्य ए रुपैयाँले बढेको नेपाल आयल निगमले जनाएको छ ।

बढेको पेट्रोलियम पदार्थको मूल्य आजै राती १२ बजेदेखि लागू हुनेछ । पेट्रोल, डिजेल र मट्टितेलको मूल्य बढ्दा हवाइ इन्धनको मूल्य भने घटेको छ । हवाइ इन्धन आन्तरिकतर्फ ३ रुपैयाँ र अन्तर्राष्ट्रियतर्फ प्रति किलो लिटर २२ अमेरिकी डलरले घटेको छ ।