फागुन ११ गतेदेखि हुने केपी ओली कप फुटबल खेल तालिका सार्वजनिक, ९ टोली सहभागी

काठमाडौं : फागुन ११ गतेदेखि हुने केपी ओली कप च्याम्पियनसिप फुटबलको खेल तालिका सार्वजनिक भएको छ । राष्ट्रिय युवा संघ नेपालको आयोजनामा काठमाडौंमा हुन लागेको उक्त प्रतियोगितामा दुई विदेशीसहित ९ टोलीले सहभागिता जनाएका छन् ।

आहा रारा पोखरा गोल्डकपको उपाधि जितेको उज्वेकिस्तानको ब्ल्याक बुल्स एफसी र भुटानको एफसी ट्रान्सपोर्ट युनाइटेड विदेशी टोलीको रूपमा सहभागिता जनाएका छन् । यसबाहेक एपीएफ एफसी, संकटा क्लब, त्रिभुवन आर्मी एफसी, नेपाल पुलिस क्लब, केपी ओली एफसी, न्यूरोड टिम र मच्छिन्द्र एफसी सहभागी छन् ।

प्रतियोगिताको पहिलो खेल एन्फा कम्प्लेक्समा फागुन ११ गते दिउँसो ३ बजेबाट सुरु हुनेछ । संकटा क्लबले बाई पाएको छ भने अन्य टोलीले क्वार्टर फाइनलका खेल खेल्नेछन् । पहिलो सेमिफाइनल फागुन १६ र दोस्रो सेमिफाइनल फागुन १७ गते हुनेछ ।

फाइनल खेल फागुन १९ गते हुने तालिका छ । सेमिफाइनल र फाइनल खेल दशरथ रंगशालामा हुनेछ । प्रतियोगिताका विजेताले १५ लाख ११ हजार ११ हजार १११ र उपविजेताले ५ लाख रुपैयाँ पाउनेछन् । प्रतियोगिताको सर्वोत्कृष्ट खेलाडीले एक लाख, उत्कृष्ट गोलकिपर, सर्वाधिक गोलकर्ता र उदीयमान खेलाडीले समान ५० हजार रुपैयाँ पाउनेछन् ।