सोल्टी होटलले जर्मनीको फ्र्यांकफर्टमा होटल व्यवस्थापन गर्दै

काठमाडौँ : सोल्टी होटल्स एन्ड रिसोर्टले जर्मनीको फ्र्यांकफर्टमा होटल व्यवस्थापन तथा सञ्चालन गरेको जनाएको छ ।

सोल्टीले फ्र्यांकफर्टमा ‘सोल्टी वेस्टेन्ड मेसी फ्रैंकफर्ट’ होटलको शुक्रबारदेखि व्यवस्थापन तथा सञ्चालन गरेको जानकारी दिएको हो । साथै होटलले सोही शृङ्खलाको अर्को होटल ‘सोल्टी वेस्टेन्ड प्रिमियर मेसी फ्र्यांकफर्ट’ सन् २०२५ को मार्चदेखि सुरु गर्नेछ । योसँगै होटलले नेपाल बाहिर होटल व्यवस्थापनसम्बन्धी सेवा विस्तारमा आफ्नो उपस्थिति बलियो बनाउँदै लगेको विज्ञप्तीमार्फत जनाएको छ ।

अन्तर्राष्ट्रिय स्तरमा पुग्नलाई सोल्टीको एसोसिट कम्पनी स्ट्रीम पीक इन्टरनेसनल प्राली र ट्रिप इन म्यानेजमेन्ट एन्ड सर्भिस, ट्रिप इन रिसेन लिमिटेड र बीच सहकार्य गरेको थियो । सोल्टी वेस्टेन्डमा ५० आकर्षक कोठाहरू रहेको कम्पनीले जनाएको छ ।