काठमाडौं : सवारीधनी दर्ता किताब (ब्लुबुक) कीर्ते गरेर गाडी किनबेच गरेको आरोपमा प्रहरीले काठमाडौंको चाबहिलबाट चारजनालाई पक्राउ गरेको छ ।
पक्राउ पर्नेमा धुम्बाराही बस्ने बैतडीको शिवनाथ–७ का ३८ वर्षीय वीरेन्द्र सिंह साउद, बुढानीलकण्ठ बस्ने चितवनका ३८ वर्षीय मनोजकुमार सुनार बराली, कोटेश्वर बस्ने रामेशछापको खिु तामाकोशी–५ का ३३ वर्षीय शान्तकुमार मगर र बुढानीलकण्ठ बस्ने डोटीका ३२ वर्षीय पवन सिंह छन् ।
एभरेष्ट बैंक धनी र गजेन्द्र लोहनी विश्वकर्मा ऋणी रहेको बा२०च ६४६७ नम्बरको मारुती ब्रेज्जा गाडी ब्लुबुक कीर्ते गरेर खरिद-बिक्री गरिरहेको उजुरीका आधारमा अनुसन्धान गर्दा उनीहरूलाई पक्राउ गरिएको प्रहरीले जनाएको छ ।
उनीहरूको साथबाट कीर्ते गरेर तयार पारिएका दुईटा ब्लुबुक बरामद भएको छ । पक्राउ परेकामध्ये मनोजकुमार सुनार विगतमा गाडी कीर्ते गरेर नम्बर परिवर्तन गरी चलाउँदा पक्राउ परेको खुलेको छ ।
उनी जिल्ला अदालत ललितपुरको आदेशले पाँच लाख रुपैयाँ धरौटीमा छुटेका थिए । यस्तै, वीरेन्द्रसंिह साउदले ५० हजार रुपैयाँको प्रलोभनमा परेर कीर्ते ब्लुबुकमा फोटो टाँस्ने काम गरेको खुलेको प्रहरीले जनाएको छ ।
प्रतिक्रिया दिनुहोस्