जिल्ला अदालतको फैसलाविरुद्ध उच्च अदालत जाँदै सन्दीप

धनगढी- काठमाडौं जिल्ला अदालतको फैसलाविरुद्ध क्रिकेटर सन्दीप लामिछाने पुनरावेदनका लागि उच्च अदालत, पाटन जाने भएका छन् ।जिल्ला अदालतले सुनाएको ८ वर्ष कैद र ५ लाख रुपैयाँ जरिवाना सजायको फैसलाविरुद्ध सन्दीप चाँडै उच्च अदालत जाने उनका वकिल सरोजकृष्ण घिमिरेले बताए ।

उनका अनुसार अदालतको निर्णयबाट असन्तुष्ट भएका सन्दीप पुनरावेदनका लागि उच्च अदालत जान लागेका हुन् ।सन्दीप जिल्ला अदालत काठमाडौंबाट गत पुस १३ गते जबरजस्ती करणीको मुद्दामा दोषी ठहर भएका थिए ।

Dengue

न्यायाधीश शिशिरराज ढकालको इजलासले जबरजस्ती करणीको मुद्दामा किशोरी साबालिग रहे पनि लामिछाने दोषी रहेको ठहर गरेको थियो ।

न्यायाधीश ढकालको इजलासले सन्दीपलाई बुधवार ८ वर्ष कैद र ५ लाख रुपैयाँ जरिवानाको सजाय सुनाएको छ ।सन्दीपबाट थप २ लाख रुपैयाँ क्षतिपूर्ति समेत गरी कुल ५ लाख रुपैयाँ भराउने फैसला भएको काठमाडौं जिल्ला अदालतका सूचना अधिकारी चन्द्रप्रसाद पन्थीले जनाए ।

परिवर्तित नाम गौशाला २६ लाई जबरजस्ती करणी गरेको अभियोगमा सन्दीपलाई दोषी ठहर गरिएको हो ।बलात्कार मुद्दामा दोषी ठहर भएर ८ वर्ष कैद र ५ लाख रुपैयाँ जरिवानाको सजाय पाए पनि क्रिकेटर सन्दीपले तत्काल कारागारमा बस्नु नपर्ने भएको छ ।

कल २४ न्युजमा प्रकाशित सामग्रीबारे कुनै गुनासो, सुचना तथा सुझाव भए हामीलाई [email protected] मा पठाउनु होला । FacebookInstagram मार्फत पनि हामीसँग जोडिन सक्नुहुनेछ । हाम्रो YouTube च्यानल पनि हेर्नु होला ।

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

सम्बन्धित समाचार