सुनको मूल्य घट्यो, चाँदीको स्थिर

काठमाडौं । सोमबार सुनको मूल्य घटेको छ भने चाँदीको मूल्य स्थिर रहेको छ । नेपाल सुनचाँदी व्यवसायी महासंघका अनुसार सुनको मूल्य तोलामा २ सय रुपैयाँले घटेको छ ।

सोमबार छापावाल सुनको मूल्य तोलामा १ लाख ९ हजार र तेजावी सुनको मूल्य १ लाख ८ हजार ५०० रुपैयाँ तोकिएको छ ।
आइतबार छापावाल सुनको मूल्य तोलामा १ लाख ९ हजार २०० र तेजावी सुनको मूल्य १ लाख ८ हजार ७०० रुपैयाँ तोकिएको थियो ।

सोमबार चाँदीको मूल्य भने आइतबारकै कायम गरिएको छ । जसअनुसार चाँदीको मूल्य प्रतितोला १ हजार ४१५ रुपैयाँ तोकिएको छ ।