काठमाडौं– सर्वोच्च अदालतले रुपन्देही– २ का नेकपा एकीकृत समाजवादीका उम्मेदवार राजु गुरुङको उम्मेदवारी खारेज गर्ने निर्वाचन अधिकृतको निर्णय कार्यान्वयन नगर्न अल्पकालीन अन्तरिम आदेश जारी गरेको छ ।
आइतबार न्यायाधीश विश्वम्भरप्रसाद श्रेष्ठको इजलासले गुरुङको उम्मेदवारी खारेज गर्ने निर्णय कार्यान्वयन नगर्न अल्पकालीन आदेश दिएको हो । सर्वोच्चले अन्तरिम आदेशका लागि दुवै पक्षलाई २ कात्तिकमा छलफलमा बोलाएको छ ।
गुरुङ बैंकिङ कसुर मुद्दामा कालोसूचीमा रहेको भन्दै उम्मेदवारी खारेज भएको थियो ।
उम्मेदवार गुरुङ आफैं अध्यक्ष रहेको नर्थवेष्ट नेपाल इन्फा प्रालिले तिर्नुपर्ने रु दुई करोड २५ लाख नतिरेको भन्दै अदालतमा २०७६ सालमा बैंकिङ कसुरसम्बन्धी उजुरी परेको थियो ।
प्रतिक्रिया दिनुहोस्