सिधा कुराको मुद्दामा सर्वोच्चले आज फैसला सुनाउँदै

काठमाडौं : सिधा कुरा डटकमसँग जोडिएको अवहेलना मुद्दामा सर्वोच्च अदालतले बिहीबार फैसला सुनाउँदै छ। सर्वोच्च अदालतले निर्णय सुनाउने मिति आजलाई तोकेको थियो।

यसअघि निर्णय सुनाउने मिति दुई पटक सरेको थियो। भदौ ६ सुनाउने भनिएकोमा त्यो सरेर भदौ २० गते पुगेको थियो। तर भदौ २० गते पनि बृहत् पूर्ण इजलासले फैसला सुनाएन।

प्रधानन्यायाधीश विश्वम्भरप्रसाद श्रेष्ठसहित ९ जना न्यायाधीशको इजलासले साउन १७ गते अन्तिम सुनुवाइ गरेको हो।

सिधा कुरा डटकमका प्रकाशक युवराज कँडेल, सम्पादक नवीन ढुंगाना र सूचनाको स्रोत भनिएका अर्का व्यक्ती राजकुमार तिमल्सिनाविरुद्ध अदालतको अवहेलना गरेको भन्दै असार ९ गते रिट दायर भएको थियो।