कपिलवस्तुका वडाध्यक्ष यादवको निधन

कपिलवस्तु : कपिलवस्तुको शुद्धोधन गाउँपालिका–१ का वडाध्यक्ष तिलकराम यादवको निधन भएको छ।

मस्तिष्कको ट्युमरका कारण भारतको दिल्ली स्थिति एपोलो अस्पतालमा उपचाररत यादवको मंगलबार साँझ निधन भएको हो ।

६८ वर्षीय  यादव नेपाली कांग्रेसबाट २०७४ र २०७९ मा वडा अध्यक्ष निर्वाचित भएका थिए।  यादवको निधनमा गाउँपालिकाले आज बिदा दिएको गाउँपालिका अध्यक्ष कमलेशशरण चौधरीले जानकारी दिए।