जङ्गल नजिक वयस्क हात्तीको मृत्यु

बारा : बारास्थित राष्ट्रिय जङ्गल नजिक वयस्क हात्ती मृत फेला पारेको छ । कोल्हबी नगरपालिका–२ भलुवाही खोर जङ्गल छेउमा जङ्गली हात्ती मृत फेला परेको हो ।

अहिले नेपाल प्रहरी, सशस्त्र प्रहरी र डिभिजन बन कार्यालय बाराको टोली घटनास्थलमा पुगेको छ । घटनास्थल पुगेका इलाका प्रहरी कार्यालय कोल्हवीका प्रमुख इन्स्पेक्टर किशन बस्नेतले हात्तीको सुडमा सामान्य खतसँगै केही रगतको टाटा देखिएको बताए ।

घटनाबारे विस्तृत विवरण आउन बाँकी रहेको इलाका प्रहरी कार्यालय कोल्हबीले जनाएको छ।