काठमाडौं : मुग्लिङ नारायणगढ सडक खण्डमा बस दुर्घटना भएको छ । शुक्रवार दिउँसो भरतपुर–२९ सत्र किलोमा बाटो माथिबाट ढुङ्गा खस्दा बस पल्टिएको हो ।
दुर्घटनामा परी २५ जना यात्रु घाइते भएका छन् । घाइते भएका सबै यात्रुको उद्धार गरी उपचारका लागि भरतपुर ल्याइएको छ ।बसमा ३५ जना यात्रु भएको अनुमान गरिएको छ ।
गौरबाट पोखरा गइरहेको ग २ ख ४७ नम्बरको यात्रु बस अनियन्त्रित भएर पल्टिएको थियो । जिल्ला प्रहरी कार्यालय चितवनका अनुसार बाटो माथिबाट ढुङ्गा खस्दा चालक आत्तिएर नियन्त्रण गुमाउँदा बस पल्टिएको हो । अहिले उक्त सडक खण्ड एकतर्फी सञ्चालनमा छ ।
प्रतिक्रिया दिनुहोस्