काठमाडौँ : भुटानी शरणार्थी प्रकरणको पूरक अभियोग जिल्ला अदालत काठमाडौँमा दर्ता गरिएको छ । जिल्ला सरकारी वकिल कार्यालयले बेचन झा विरुद्ध अभियोग पत्र दायर गरेको छ ।
सरकारी वकिलले बेचनलाई ठगी, लिखत किर्ते, राज्य विरुद्ध र सङ्गठित अपराध सम्बन्धी कसुरमा मुद्दा दर्ता गरेको छ । बेचनलाई आज बयान गराइँदै छ । काठमाडौँ जिल्ला अदालतका न्यायाधीश तीर्थराज केसीको इजलासमा उनको बयान गराइँदैछ ।
नेपालीलाई शरणार्थी बनाएर अमेरिका पठाउने नाममा ठगेको आरोपमा झा बाट २८ करोड ८१ लाख ७४ हजार रकम असुल गर्नुपर्ने सरकारी मागदावी छ । मुलुकी अपराध संहिता–२०७४ को दफा २५४ बमोजिम प्रतिवादीबाट पीडितहरूलाई रकम भराउन मागदावी लिइएको छ ।
झाले यो प्रकरणमा आफूलाई केही थाहा नभएको बयान प्रहरीलाई दिएपछि उनको पोलिग्राफ टेष्ट गर्ने भनिएको थियो । तर सत्ताको पहुँचमा रहेका झाले पोलिग्राफ टेष्ट गर्न मानेका छैनन् ।
नक्कली भुटानी शरणार्थी प्रकरणमा उनी सबै भन्दा प्रमुख बिचौलीया बनेर मन्त्रीपरिषद्बाटै निर्णय गराउने देखि लेनदेनका कार्यमा संलग्न भएको आरोप उनीमाथि छ ।
प्रतिक्रिया दिनुहोस्