उडेको ३ मिनेटमै हराएको थियो सूर्यचौरमा दुर्घटनामा परेको हेलिकप्टर

काठमाडौँ । नुवाकोटमा एयर डाइनेस्टीको कलसाइन ९ एन–एजेडी हेलिकप्टर दुर्घटना भएको छ ।

आज दिउँसो १ः५४ बजे भक्तपुरको नलिनचोकबाट रसुवाको स्याँफ्रुबेसीका लागि उडेको हेलिकप्टर तीन मिनेटपछि सम्पर्कविहीन भएको थियो ।

नेपाल नागरिक उड्डयन प्राधिकरण (क्यान) का सूचना अधिकारी ज्ञानेन्द्र भूलका अनुसार दिउँसो २ः१४ बजे नुवाकोटको शिवपुरी गाउँपालिका–७ सूर्यचौर क्षेत्रमा हेलिकप्टर दुर्घटनाग्रस्त अवस्थामा भेटिएको थियो ।

हेलिकप्टरमा पाइलट अरुण मल्लसहित चार चिनियाँ नागरिक सवार थिए । उनीहरू चारै जनाको मृत्यु भएको छ ।