धुवामा निशासिएर १२ दिनकी सुत्केरी र उनकी बहिनीको मृत्यु

काठमाडौँ : जुम्लामा धुवामा निशासिएर १२ दिनकी सुत्केरी र उनकी बहिनीको मृत्यु भएको छ।

राति सुत्केरीलाई न्यानो पार्न बालिएको आगोको धुवा निस्यासिएर चन्दनाथ नगरपालिका पाँच कालेखोलीकी २२ वर्षीय मायालक्ष्मी रोकाया १९ वर्षीया जुनमाया रोकाया र १२ दिनको शिशु गम्भीर घाइते भएका थिए।

उनीहरूलाई उपचारको लागि कर्णाली स्वास्थ्य विज्ञान प्रतिष्ठान शिक्षण अस्पताल खलङ्गा पुर्‍याएको थियो । मायालक्ष्मीको उपचारको क्रममा सोमबार र उनकी बहिनी जुन मायाको मङ्गलबार बिहान मृत्यु भएको जिल्ला प्रहरी कार्यालय जुम्लाका सूचना अधिकारी उमेश चन्दले जानकारी दिए। बच्चाको आइसियुमा उपचार भइरहेको प्रहरीले जनाएको छ ।