काठमाडौँ : उल्फ ७७७ अनलाइन क्यासिनोबाट अनलाइन जुवा खेलाउने ६ जनालाई केन्द्रिय अनुसन्धान व्यूरोले पक्राउ गरेको छ ।
पक्राउ पर्नेमा रूपन्देहीका २५ वर्षका आकाश मिश्र, २२ वर्षका अभिषेक जैसवाल, २५ वर्षकै नितेश हरिजन, २९ वर्षिय रामु गिरी, २८ वर्षका प्रतिक बस्याल र काठमाडौंका २९ वर्षिय सजल श्रेष्ठ रहेका छन् ।
उल्फ ७७७ अनलाइन क्यासिनोबाट सट्टेवाजी (अनलाईन जुवा) खेलाउने काम गर्दै आएको भन्ने गोप्य सुचना व्यूरोलाई आएको थियो ।
सो सूचनाका आधारमा अनुसन्धान गर्दै जाँदा उल्फ ७७७ अनलाइन क्यासिनोका संचालकहरुले विभिन्न व्यक्तिहरुलाई बैंक खाताको क्युआर कोड सामाजिक संजाल मार्फत पठाई अनलाईन सट्टेवाजी (अनलाईन जुवा) खेलाउने गरेको थिए ।
त्यसबाट करिब २ महिना अगाडि देखि अन्दाजी २४ करोड रकम बराबरको शंकास्पद अनलाईन कारोबार हुने गरेको थियो ।
निजहरुमाथि उपर मुलुकी अपराध सहिता, २०७४ को दफा १२५ अन्तर्गतको सट्टाबाजी कसूरमा काठमाण्डौ जिल्ला अदालतवाट म्याद थप गरी अनुसन्धान भईरहेको छ ।
प्रतिक्रिया दिनुहोस्