काठमाडौं : नेपाली कांग्रेसको संसदीय दल बैठक सुरू भएको छ । संघीय संसद नयाँ बानेश्वरस्थित ल्होत्से हलमा सोमबार बिहान १० बजेदेखि संसदीय दल बैठक सुरू भएको हो ।
सहकारीको बचत रकम अपचलनको विषयमा गृहमन्त्री रवि लामिछानेमाथि छानबिन समिति गठनको माग गर्दै आएको कांग्रेसले बैठकबाट संसद्मा कसरी प्रस्तुत हुने भन्ने विषयमा धारणा बनाउने छ ।
बैठकमा गृहमन्त्रीले आइतबार संसदमा गरेको सम्बोधनबारे समेत छलफल हुने जनाइएको छ । यसअघि आइतबार साँझ पत्रकार सम्मेलनका क्रममा महामन्त्री गगन थापाले भने संसदीय छानबिन समिति गठन नभएसम्म संसद् चल्न नदिने बताएका थिए ।
यसैबीच प्रधानमन्त्री पुष्पकमल दाहाल ‘प्रचण्ड’ ले सोमबार प्रतिनिधि सभा बैठकमा विश्वास मत लिने तयारी गरेका छन् । प्रतिनिधि सभा बैठकअघि कार्यव्यवस्था परामर्श समिति बैठक पनि बस्दैछ ।
प्रतिक्रिया दिनुहोस्