काठमाडौं : नेपाली कांग्रेसले संसदीय दलको बैठक बोलाएको छ । संसद बैठक बस्नुअघि कांग्रेसले संसदीय दल कार्यसमिति र संसदीय दलको बैठक बोलाएको हो । दुवै बैठक संसद भवन नयाँ बानेश्वरको ल्होत्से हलमा बस्नेछन् ।
गृहमन्त्री रवि लामिछानेले संसदमा बोल्ने क्रममा आफ्नो दललाई मात्र जोडेर आरोप लगाएको टिप्पणी गरेको कांग्रेसले पार्टीको आगामी भूमिका तय गर्न बैठक बोलाएको जनाएको छ । आज बस्न लागेको संसद् बैठकमा आफ्नो भूमिकाबारे कांग्रेसले धारणा बनाउने बताएको छ ।
संसदमा आज प्रधानमन्त्री पुष्पकमल दाहालले विश्वासको मत पनि लिँदैछन् । सहकारी ठगी प्रकरणमा छानबिन गर्न संसदीय समिति गठनको माग गर्दै आएको कांग्रेसले संसद अवरोध गर्दै आएको छ ।
प्रतिक्रिया दिनुहोस्