काठमाडौं : राष्ट्रिय स्वतन्त्र पार्टी (रास्वपा)बाट इलाम २ को उपनिर्वाचनमा उम्मेदवार बनेका मिलन लिम्बुले शनिवार दिउँसो १ बजेभित्र मनोनयन दर्ता गराउने भएका छन् ।
मनोनयन दर्तासम्बन्धी कार्यतालिका सार्वजनिक गर्दै उनले बिहान ११ बजेसम्म पार्टी अफिसमा भेला हुने र साढे ११ बजे पार्टी अफिसबाट मनोनयनको लागि र्यालीसहित जाने बताए ।
निर्वाचन अधिकृतको कार्यालयमा पुगेपछि १२ बजेदेखि १ बजेभित्र मनोनयन दर्ता गराइसक्ने उनको भनाइ छ ।
त्यसपछि २ बजेभित्र पार्टी कार्यालय फर्किने र २ बजेदेखि ४ बजेसम्म उम्मेदवारसँग भलाकुसारी तथा भेटघाट कार्यक्रम राखिएको छ ।
यस्तै ४ बजे देखि पार्टी कार्यालयमा केन्द्रीय नेताहरूद्वारा सम्बोधन गर्ने कार्यक्रम तय भएको छ ।
उम्मेदवारी दर्ता रास्वपाका उपसभापतिसमेत रहेका श्रम तथा रोजगारमन्त्री डोरप्रसाद (डीपी) अर्याललगायत नेता सहभागी हुने कार्यक्रम तय छ ।
प्रतिक्रिया दिनुहोस्