धनगढीः कैलालीमा मोटरसाइकल दुर्घटना भएको छ। जिल्लाको गौरीगंगा नगरपालिका-२ आमबगिया चोकको भित्रि सडक खण्डमा रामपुरबाट झिल चौराह आउदै गरेको सुदूरपश्चिम प्रदेश ०१०११ प ८७२९ नम्बरको मोटरसाइकल गएराति ९ः४० बजे दुर्घटना भएको हो।
१८ वर्षीय अमिन शाहीले चलाएको उक्त मोटरसाइकल दुर्घटना हुँदा ३ जना घाईते भएका छन्। घाइते हुनेमा चालक र पछाडी सवार ८ वर्षीय बालक प्रज्वल चौधरी, १७ वर्षीय सुमित चौधरी रहेको प्रहरीले जनाएको छ। घाइते २ जनाको डिके मेमोरियल अस्पताल चौमला र चालक शाहीलाई निसर्ग अस्पताल धनगढी रिफर गरिएको प्रहरीले बताएको छ। मोटरसाइकल आफै अनियन्त्रीत भएर दुर्घटना भएको प्रहरीले जनाएको छ। मोटरसाइकल इलाका प्रहरी कार्यालय चौमालाको नियन्त्रणमा रहेको छ।
प्रतिक्रिया दिनुहोस्