अत्तरिया: प्रतिनिधि सभा निर्वाचन क्षेत्र नम्बर ४, कैलालीको मतगणना निर्वाचन अधिकृतको कार्यालय गेटामा हुने भएको छ। निर्वाचन अधिकृतको कार्यालयले सूचना जारी गर्दै मतगणना स्थल तोकिएको जानकारी दिएको हो।
जारी सूचनाअनुसार मतगणना कार्य निर्वाचन अधिकृतको कार्यालय, क्षेत्र नम्बर ४, गोदावरी नगरपालिका–५ मा सञ्चालन गरिनेछ। सहिद दशरथ चन्द स्वास्थ्य विज्ञान विश्वविद्यालयको उत्तर–पूर्वतर्फ खेलमैदानसँगै जोडिएको भवन (सिद्ध बाबा माध्यमिक विद्यालय, गेटी नजिक) मा मतगणना हुने सूचनामा उल्लेख छ ।
निर्वाचन अधिकृत हरि प्रसाद आचार्यले सबै मतदान केन्द्रमा मतदान सम्पन्न भई मतपेटिका प्राप्त भएपछि मतगणना गरिने मिति र समय सार्वजनिक गरिने जानकारी दिएका छन्।
.jpeg)
प्रतिक्रिया दिनुहोस्