आईसीसी टी–२० अल अलराउन्डर वरीयता सार्वजनिक, दीपेन्द्रसिंह पुरानै स्थानमा

काठमाडौं । आईसीसीले टी–२० आई अलराउन्डरको वरीयता सार्वजनिक गरेको छ । बुधबार (फागुन २०) सार्वजनिक गरिएको अद्यावधिक वरीयताअनुसार नेपालका दीपेन्द्रसिंह ऐरीले अघिल्लै चौथो स्थानमा यथावत् रहेका छन् । 

दुई साताअघि भारत र श्रीलंकामा आयोजित आईसीसी टी–२० विश्वकपलगत्तै सार्वजनिक भएको अद्यावधिक वरीयतामा छैटौँ स्थानबाट दुई स्थानको सुधार गर्दै ऐरीले चौथो स्थान हासिल गरेका थिए । बुधबार सार्वजनिक वरीयतामा उनी चौथो स्थानमै रहेका हुन् ।  

अलराउण्डर वरियताको शीर्ष स्थानमा जिम्बाबेका सिकन्दर राजा यथावत् रहँदा दोस्रोमा एक स्थान सुधार्दै भारतका हार्दिक पान्ड्या उक्लिएका छन् ।  

यसैगरी, पाकिस्तानका सायम अयुब तेस्रोमा झरेका छन् । चौथोमा दीपेन्द्रसिंह ऐरी, पाँचौँमा अफगानिस्तानका अजमतुल्लाह ओमरजाइ रहेका छन् ।