मकवानपुरमा गाडी दुर्घटना हुँदा चार जना घाइते भएका छन्।
शनिबार बिहान ६ बजे इन्द्रसरोवर गाउँपालिका-२ सुकौरा बेसीस्थित कुलेखानी-काठमाडौं सडकमा दुर्घटना भएको जिल्ला प्रहरी कार्यालय मकवानपुरले जानकारी दिएको छ।
वीरगंजबाट काठमाडौं तर्फ आउँदै गरेको ना ४ च ९७७७ नं.को गाडीका चालक निदाउँदा दुर्घटना भएको कार्यालयले जनाएको छ।
गाडी सडकबाट ३० मिटर तल खसेको थियो।
दुर्घटनामा कलैया उपमहानगर-२ का ३८ वर्षीय चालक विजय यादव, गाडीका धनी ५० वर्षीय सन्तोषकुमार गुप्ता, उनकी ४० वर्षीया श्रीमती शोभा गुप्ता र १६ वर्गीय अनमोल गुप्ता घाइते छन्। शोभाको छाउकोमा चोट लागेको हुँदा गम्भीर रहेको प्रहरीले जनाएको छ। अरू तीन जनाको अवस्था मध्यम छ।
उनीहरूको उपचारका लागि काठमाडौंतर्फ पठाइएको छ।
प्रतिक्रिया दिनुहोस्