नेपालले मुम्बई एमसीए प्रेसिडेन्ट-११ सँगको जारी दोस्रो अभ्यास खेलमा मुम्बई एमसीएलाई १८४ रनको लक्ष्य दिएको छ।
शनिबार मुम्बईको ब्रेबोर्न क्रिकेट स्टेडियममा टस जितेर पहिला ब्याटिङ रोजेको नेपालले निर्धारित २० ओभरमा ५ विकेट गुमाएर १८३ रन बनायो।
नेपालका लागि आरिफ शेखले अर्धशतक प्रहार गरे। उनी ४२ बलमा ६६ रन बनाउँदै नटआउट रहे। नेपालका ओपनर आशिफ शेख २५ रन र अर्का ओपनर लोकेश बम १५ रन बनाएर आउट भए।
नेपाली राष्ट्रिय क्रिकेट टोलीले यसअघि मुम्बई एमसीए प्रेसिडेन्ट-११ लाई पहिलो अभ्यास खेलमा ७ विकेटले पराजित गरेको थियो।
प्रतिक्रिया दिनुहोस्