काठमाडौं : लोकप्रिय गायिका रचना रिमाल जेठ २७ गते अचानक विरामी परिन् । उनी सांगीतिक कार्यक्रमका लागि रुकुम पुगेकी थिइन्, जहाँ उनलाई अत्यधिक पेट दुखेपछि त्यहाँको अस्पतालले एपेन्डिक्सको अपरेशन गर्नु पर्छ भन्यो ।
त्यसपछि हेलिकप्टरबाट काठमाडौं ल्याएर ह्याम्स अस्तपतालमा उपचार गराएर दुई दिन अगाडिमात्र अस्पतालबाट डिस्चार्ज भएकी गायिका रिमाल आज असार ४ गते बुधवार भने परीक्षा दिन काठमाडौंको एउटा परीक्षा केन्द्र पुगेकी छिन् ।
आजदेखि प्रारम्भ भएको स्नातक तह तेस्रो वर्षको वार्षिक परीक्षा दिन उनी कीर्तिपुर पुगेकी हुन् । उनले आफूले सोचेजस्तो तयारी पुरा गर्न नसके पनि राम्रो गर्ने प्रयास गर्नेछु भन्दै परीक्षा दिन परीक्षा केन्द्रमा जान लागेको तस्विर शेयर गरेकी छिन् ।
गायिका रिमाललाई उनका फ्यानहरुले उत्कृष्ट नम्बर ल्याउनका लागि शुभकामना दिइरहेका छन् ।
प्रतिक्रिया दनुहोस्