काठमाडौं— नेकपा एमालेका अध्यक्ष तथा पूर्व प्रधानमन्त्री केपी शर्मा ओलीको पित्तथैलीमा रहेको पत्थरीको शल्यक्रिया सफलतापूर्वक सम्पन्न भएको छ ।
ओलीलाई शल्यक्रिया सम्पन्न भएपछि अपरेशन थिएटर .ओटी०बाट वार्डमा सार्ने तयारी भइरहेको जनाइएको छ । उपचार महाराजगञ्जस्थित त्रिवि शिक्षण अस्पतालमा गरिएको हो ।
अस्पतालका निर्देशक डा. सुवास आचार्यका अनुसार शल्यक्रिया सफलतापूर्वक सम्पन्न भएको छ । बिरामीको अवस्थाबारे विस्तृत जानकारी केहीबेर मै प्रेस नोटमार्फत सार्वजनिक गरिने अस्पतालले जनाएको छ ।
अस्पताल स्रोतका अनुसार शल्यक्रिया पश्चात् स्वास्थ्य अवस्था सामान्य रहेको र चिकित्सकको निगरानीमा राखिने तयारी गरिएको छ ।
प्रतिक्रिया दिनुहोस्