कैलाली – कैलाली जिल्लाको मोहन्याल जाने सडकको अवस्था अत्यन्तै जर्जर बन्दै गएको छ। वर्षायामपछि सडक हिलाम्मे र अवरुद्ध जस्तै हुँदा सवारी साधन सञ्चालनमा कठिनाइ भएको देखिएको छ।
कैलालीका सहायक प्रमुख जिल्ला अधिकारी Kiran Joshi ले सामाजिक सञ्जालमार्फत सडकको वास्तविक अवस्था सार्वजनिक गरेकी छन्। उनले “सुदूर टाढा नभए पनि बाटोको कारणले दूरी महसुस गर्नुपरेको” उल्लेख गर्दै सडकको खराब अवस्थाप्रति ध्यानाकर्षण गराएकी हुन्।
तस्बिरहरूमा कच्ची सडक हिलाम्मे भएको, सवारी साधन बीच बाटोमै रोकिएको तथा स्थानीय र सुरक्षाकर्मीले धकेलेर पार गराउनुपर्ने अवस्था देखिन्छ। यसले यात्रुहरूलाई जोखिमपूर्ण यात्रा गर्न बाध्य बनाएको छ।
स्थानीयवासीहरूले लामो समयदेखि उक्त सडक स्तरोन्नतिको माग गर्दै आएका छन्। सडक मर्मत तथा स्तरोन्नति नहुँदा मोहन्याल क्षेत्रको आवागमन, सेवा प्रवाह र दैनिक जनजीवनमा प्रत्यक्ष असर परेको उनीहरूको गुनासो छ।
सम्बन्धित निकायले तत्काल ध्यान दिएर सडक सुधार गर्नुपर्ने आवश्यकता देखिएको छ।
प्रतिक्रिया दिनुहोस्