उपसभामुख चयनका लागि यस्तो कार्यतालिका

काठमाडौं । प्रतिनिधिसभाको उपसभामुख पदको उमेदवारीका निम्ति बिहीबार बिहान ११ बजेदेखि दिउँसो २ बजेसम्को समय तोकिएको छ ।

प्रतिनिधिसभाका सचिव हर्कराज राईले बुधबार प्रकाशन गरेको सूचनामा बिहीबार नै दिउँसो २:३० बजे उेमदवारीको सूचना दर्ता क्रमअनुसार प्रकाशन गर्ने उल्लेख छ ।

२७ गते उपसभामुखको निर्वाचन हुँदै छ । अपराह्न ४ बजे बस्ने प्रतिनिधिसभा बैठकमा प्रस्तावकले उपसभामुख निर्वाचित गरियोस् भन्ने प्रस्ताव पेस हुनेछ । त्यसमाथि छलफल भएर निर्णय गरिनेछ ।

सभामुख डीपी अर्यालले बुधबारको बैठकबाट उपसभामुख निर्वाचनको मिति तोक्दै सूचना प्रकाशन गर्न निर्देशन दिएका थिए ।

उपसभामुखका लागि विपक्षी दलहरूले उमेदवारी दिने बताउँदै आएका छन् । प्रतिनिधिसभाको दुईतिहाइ बहुमतनिकट रहेको सत्तारुढ रास्वपाको समर्थन पाउने दलबाट नै उपसभामुख चयन हुनेछ । हालसम्म रास्वपाले कुनै दललाई समर्थन गरेको छैन ।