युवापुस्तामा नेतृत्व हस्तान्तरण गर्न भन्दै पुष्पगुच्छा उपहार

काठमाडौं । नेकपा (एमाले)का युवा र विद्यार्थीले युवापुस्तामा नेतृत्व हस्तान्तरण गर्न पार्टीका नेताहरूमाथि दबाब दिन थालेका छन् । शुक्रबार (चैत २०) एमाले सचिवालय बैठकमा सहभागी हुन च्यासल पुगेका पार्टीका नेताहरूलाई उनीहरूले पुष्पगुच्छा उपहारसहित यस्तो दबाब दिएका हुन् ।

उनीहरूले सांसद सुहाङ नेम्वाङलाई पार्टी संसदीय दलको नेता बनाउनुपर्ने बताउँदै आएका थिए । उनीहरूको अपेक्षाअनुसार परिणाम नआएपछि नेतृत्वको आलोचना गर्न थालेका हुन् ।

विशेष गरी अनेरास्ववियुमा आबद्ध विद्यार्थी नेताले नयाँ पुस्तामा नेतृत्व हस्तान्तरण अब पनि नगरिए एमालेमा देखिएको संकट झनै गहिरिँदै जाने बताएका छन् ।