एमाले संसदीय दलको बैठक आज, संसदीय दलको नेता र सचेतकको टुंगो लगाउने तयारी

काठमाडौं । नेकपा एमाले संसदीय दलको बैठक आज बस्दैछ । भोलिदेखि सुरु हुने संसद् अधिवेशनको तयारीका लागि बैठकले संसदीय दलको नेता, प्रमुख सचेतक र सचेतकको टुंगो लगाउने सम्भावना छ ।

पार्टीका पूर्व उपाध्यक्ष एवं सांसद गुरु बरालका अनुसार बैठक दिउँसो ११ बजे पार्टी केन्द्रीय कार्यालय च्यासलमा आयोजना गरिएको छ ।

एमालेले प्रत्यक्षतर्फ ९ र समानुपातिकतर्फ १६ सिटसहित २५ जना सांसद छ । बैठकमा पार्टीका महासचिव शंकर पोखरेल सांसदहरूलाई पार्टीको नीति र संसदमा निर्वाह गर्नुपर्ने भूमिकाबारे जानकारी दिने कार्यक्रम रहेको छ ।