ओली पक्राउको विरोधमा एमालेको आन्दोलन जारी, माइतीघरमा आज पनि प्रदर्शन

१६ चैत, काठमाडौं । नेकपा एमाले ले सरकारविरुद्धको आन्दोलनलाई आज पनि निरन्तरता दिने भएको छ । राजधानीको माइतीघर मण्डला मा दिउँसो १ बजे प्रदर्शन आयोजना गरिने बताइएको छ ।

पार्टी अध्यक्ष केपी शर्मा ओली लाई राजनीतिक प्रतिशोधका आधारमा गैरकानुनी रूपमा पक्राउ गरिएको आरोप लगाउँदै एमालेले विरोध कार्यक्रम जारी राखेको हो ।

एमालेका सचिव महेश बस्नेत का अनुसार राजधानी प्रदेशको संयोजनमा हुने उक्त प्रदर्शनमा सहभागी हुन कार्यकर्तालाई आह्वान गरिएको छ । उनले वर्तमान सरकार निरंकुश ढंगले अघि बढिरहेको आरोपसमेत लगाए ।

अध्यक्ष ओली पक्राउ परेको दिनदेखि नै एमालेले निरन्तर रूपमा प्रदर्शन गर्दै आएको छ ।