गृहमन्त्री सुधन ट्राफिक कार्यालय छिरेपछि पुगेका थिए ललितपुर

१४ चैत, काठमाडौं । नवनियुक्त गृहमन्त्री सुधन गुरुङ अहिले फुत्त–फुत्त प्रहरी कार्यालय छिर्दै अनुगमन गर्दै हिँडेका छन् ।

आफैं गाडी चलाएर अहिले जिल्ला प्रहरी परिसर ललितपुर पुगेका छन् । त्यसभन्दा अघि उनी काठमाडौं उपत्यका ट्राफिक प्रहरी कार्यालय रामशाहपथ पुगेको पाइएको छ ।

त्यहाँ करिब १० मिनेट बिताएर राम्रोसँग काम गर्नु भनेर निर्देशन दिएर उनी निस्केका थिए । त्यसपछि उनी परिसर ललितपुर पुगेका हुन् ।