दार्चुलामा जुवा खेल्दै ७ जना नगदसहित पक्राउ

दार्चुलामा जुवातास खेलिरहेको अवस्थामा ७ जना पक्राउ परेका छन्। महाकाली नगरपालिका–४ तल्लासैनमा सञ्चालनमा रहेको अपि रेस्टुरेन्टमा जुवा खेलिरहेको सूचनाका आधारमा प्रहरी टोलीले सोमबार साँझ छापा मारेको थियो।

छापाका क्रममा रेस्टुरेन्ट सञ्चालक ५२ वर्षीय मोहन सिंह बिष्टसहित अन्य ६ जनालाई नियन्त्रणमा लिइएको जिल्ला प्रहरी कार्यालय दार्चुलाले जनाएको छ। उनीहरूको साथबाट नगद ५० हजार २०५ रुपैयाँ र २ गड्डी तास बरामद गरिएको छ।

घटनाबारे प्रहरीले थप अनुसन्धान अघि बढाएको छ।