बैतडीका पुष्पराज जोशीद्वारा ‘भाबी प्रधानमन्त्री’ बालेनलाई खुला पत्र

काठमाडौं । बैतडी का पुष्पराज जोशीले ‘भाबी प्रधानमन्त्री’ भन्दै बालेन्द्र शाह (बालेन) लाई खुला पत्र लेख्दै शिक्षा, रोजगारी र सुशासनका विषयमा ध्यान दिन आग्रह गरेका छन्।

जोशीले पत्रमार्फत बालेनलाई केवल काठमाडौं महानगरपालिकाका प्रमुखको रूपमा मात्र नभई भविष्यमा देशको नेतृत्व गर्न सक्ने व्यक्तित्वका रूपमा प्रस्तुत गरेका छन्। काठमाडौंमा देखिएको सुधार, पारदर्शिता र कार्यक्षमताको प्रशंसा गर्दै उनले यस्ता कार्य देशभर विस्तार हुनुपर्ने अपेक्षा व्यक्त गरेका छन्।

पत्रमा मुख्य रूपमा तीन विषय उठाइएको छ। पहिलो, शिक्षालाई व्यवहारिक र सीपमूलक बनाउनुपर्नेमा जोड दिइएको छ। हालको शिक्षा प्रणालीले सैद्धान्तिक ज्ञान मात्रै दिने तर रोजगारी सिर्जना गर्न नसकेको उल्लेख गर्दै सुधार आवश्यक रहेको बताएका छन्।

दोस्रो, युवाहरूका लागि रोजगारी सिर्जना गर्नुपर्नेमा जोड दिइएको छ। देशमा बढ्दो बेरोजगारी समस्यालाई समाधान गर्न प्रभावकारी नीति तथा कार्यक्रम ल्याउनुपर्ने आवश्यकता औंल्याइएको छ।

तेस्रो, सुशासन र विकासलाई निरन्तरता दिन आग्रह गरिएको छ। काठमाडौंमा सुरु भएका सकारात्मक अभ्यासलाई देशव्यापी रूपमा विस्तार गर्न सकिने सम्भावना रहेको उल्लेख गरिएको छ।

पत्रको अन्त्यमा जोशीले बालेनलाई ‘भाबी प्रधानमन्त्री’ का रूपमा शुभकामना दिँदै देशलाई सही दिशामा अगाडि बढाउने विश्वास व्यक्त गरेका छन्।