धनगढीः कैलाली निर्वाचन क्षेत्र नं. ५ मा राष्ट्रिय स्वतन्त्र पार्टी (रास्वपा)का उम्मेदवार डा. आनन्द बहादुर चन्द विजयी भएका छन्। प्रतिनिधिसभा निर्वाचन अन्तर्गत भएको मतगणनाको अन्तिम परिणाम अनुसार उनले ३१ हजार ९ सय ५३ मत प्राप्त गर्दै जीत हासिल गरेका हुन्।
उनका निकटतम प्रतिस्पर्धी नेपाली काँग्रेसका उम्मेदवार नरनारायण शाहले ११ हजार ९ सय ५८ मत प्राप्त गरेका छन्। त्यसैगरी नेकपा एमालेका उम्मेदवार यज्ञ ढुङ्गानाले ५ हजार ८ सय ४८ मत, नेकपाका उम्मेदवार प्रेम आलेले ७ हजार ८ सय ७६ मत तथा राष्ट्रिय प्रजातन्त्र पार्टी (राप्रपा)का रोशन शाहीले १ हजार ५ सय ९२ मत प्राप्त गरेका छन्।
मतगणनाको अन्तिम परिणाम सार्वजनिक भएसँगै चन्दलाई विजयी घोषित गरिएको निर्वाचन अधिकृतको कार्यालयले जनाएको छ। निर्वाचन क्षेत्र नं. ५ मा रास्वपाका चन्दले सुरूवातदेखि नै अग्रता कायम गरेका थिए। पाँचवटा प्रतिनिधि सभा निवार्चन क्षेत्र रहेकाे कैलालीमा अन्य स्थानमा पनि रास्वपा अगाडी रहेकाे छ।
.jpeg)
प्रतिक्रिया दिनुहोस्