धनगढी । कैलाली ४ मा अनुभवी उम्मेदवारका रुपमा परिचित एमालेका लेखराज भट्टले आफूलाई मतदाताले पत्याइसकेको बताएका छन् । चुनावको पूर्वसन्ध्यामा उनले निर्वाचन नजिकिँदै गर्दा आफूलाई मतदाताहरुले पनि पत्याईसकेको बताएका हुन् ।
उनले विगतमा पनि आफूले जनताको पक्षमा थुप्रै काम गरेको र यसपाली पनि जनताकै पक्षमा काम गर्ने एजेण्डा अघि सारेकोले जनताको विश्वास जितिसकेको दाबी गरेका छन् ।
चुनावी अभियानका क्रममा भएको घरदैलो अभियान र चुनावी कोणसभामा देखिएको भीडले आफूलाई थप आत्मविश्वास दिएको भट्टको भनाई छ ।
भट्टले विगतमा गरेका विकासका काम, पूर्वाधार विस्तार र क्षेत्रका मुद्दामा निरन्तर उठाएको आवाजकै कारण जनताको साथ पाएको दाबी गरे ।
सडक, सिँचाइ, खानेपानी र रोजगारीका अवसर सिर्जनामा आफ्नो पहललाई उनले प्रमुख उपलब्धिका रूपमा प्रस्तुत गरेका छन् । ‘काम देखिएको छ, त्यसैले मत पनि पक्का छ ।’, उनले भने, ‘जतलाई पत्याईसकेका छन् । अब ड्याम्म भोट हाल्न मात्र बाँकी छ ।’
प्रतिक्रिया दिनुहोस्