कैलाली । निर्वाचन नजिकिँदै गर्दा विभिन्न पार्टी परित्याग गरी वा स्वतन्त्र नागरिक पनि राष्ट्रिय स्वतन्त्र पार्टी (रास्वपा) प्रवेश गर्ने लहर बढेको छ ।
यहीबीच यसअघिको निर्वाचनमा कैलाली निर्वाचन क्षेत्र नम्बर ५ बाट स्वतन्त्र उम्मेदवारी दिएका जगदीश चौधरी पनि रास्वपा प्रवेश गरेका छन् । यसअघिको निर्वाचन (२०७९) मा उनले ७ हजार ४ सय ६० मत ल्याएका थिए ।
रास्वपा प्रवेश गर्दै चौधरीले आफूले परिवर्तनको अभियानमा सहभागी हुने उद्देश्यले रास्वपा प्रवेश गरेका बताएका छन् ।
त्यस्तै चौधरीले कैलाली निर्वाचन क्षेत्र नम्बर ५ का उम्मेदवार डा. आनन्द बहादुर चन्दको भद्र व्यवहार, स्पष्ट दृष्टिकोण र धनगढीको विकासप्रतिको प्रतिबद्धताले आफूलाई आकर्षित गरेको पनि बताएका छन् ।
त्यस्तै, उनले आदिवासी राना तथा थारु समुदायका मुद्दामा सहमति बनेपछि पार्टी प्रवेश गर्ने निर्णय गरेको पनि स्पष्ट पारेका छन् ।
त्यसो त यसअघि नागरिक उन्मुक्ति पार्टीका उम्मेदवार नै रहेका जगन्नाथ चौधरी पनि रास्वपामा आबद्ध भइसकेका छन् ।
प्रतिक्रिया दिनुहोस्